A HISTORIA DUN PERSONAXE DE LENDA
Erudito e documentado estudo dunha das figuras máis importantes e tamén lendarias da historia de Galicia, o Mariscal Pardo de Cela, con aportacións e datos inéditos ata esta publicación, e a inclusión de valiosos apéndices coas xenealoxías de Pardo de Cela, dos Fonseca, os Osorio de Villalobos, os Andrade, os Sotomaior ou os Andrade, entre outros (unha aportación fundamental para o estudo das linaxes galegas). O autor, Eduardo J. Pardo de Guevara, repasa a historia de Galicia no século XV, as revoltas irmandiñas, a nobreza galega, a contendas señoriais nos últimos anos do reinado de Enrique IV, a presenza en Galicia dos Reis Católicos, as causas da prisión e morte do Mariscal e a lenda de Pardo de Cela.
Eduardo Pardo de Guevara (Ponteceso, A Coruña, 1952), licenciouse en Filosofía e Letras na Universidade Complutense en 1978 e obtivo o doutoramento en Historia Medieval na mesma universidade en 1984. Científico titular e director do Instituto de Estudios Galegos Padre Sarmiento desde 1994, é investigador do Consejo Superior de Investigacións Científicas (CSIC). Entre as publicacións deste membro de numerosas institucións de heráldica e xenealoxía abundan os artigos, libros e estudios introdutorios sobre a heráldica galega.
