BUSCAR

GALEGO | ESPAÑOL | ENGLISH

CESTA(0)

Facebook Twitter Instagram Youtube

Buscar Galego | Español | English
Cesta  (0)
O carrito esta valeiro.

Pechar
Facebook Twitter Instagram Youtube

Búsqueda por autor ou título

Factoría de contidos desde 1977

  • MENU
  • Home
  • Presentación
  • A nosa historia
  • O fundador
  • Quique Alvarellos
  • Libros
  • Libretas lorquianas
  • Distribución
  • Contacto

Oeste [divulgación&ensaio]


Federico García Lorca en Santiago de Compostela [Edición en castelán]

Inclúe a primeira ruta lorquiana por Santiago

Henrique Alvarellos


Pasear con García Lorca pola súa amada Compostela. Escoitalo recitar, cantar ou tocar o piano, observar como debuxa, como escribe, con quen fala, que lugares visita… Esta é a crónica do poeta andaluz que nos presenta Henrique Alvarellos, a dun escritor que se definiu como “poeta galego”. Federico García Lorca viviu nesta cidade momentos inesquecibles. 

Un volume ilustrado con máis de setenta documentos e fotografías, ademais de numerosas anécdotas e testemuños, moitos deles moi descoñecidos. Inclúe o trazado da primeira 
ruta lorquiana pola cidade de Santiago de Compostela.

FASCINADO POR COMPOSTELA

Santiago de Compostela deixou fascinado a Federico García Lorca. Xa aos 18 anos, en 1916, cando descubrira a cidade durante unha viaxe de estudos por Galicia­­, escribiría «Esto me hipnotiza». Regresará a Compostela tres veces máis, todas en 1932, ben como conferenciante, sempre como famosísimo poeta e tamén como director de La Barraca. En Santiago é recibido, arroupado e agasallado coa admiración e a sincera amizade de toda unha xeración de estudantes e intelectuais que, naquel ano de ouro da República, inzan as rúas da medieval cidade coa súa nova ansia de cultura, galeguismo e liberdade. 

Este libro é a crónica detida e minuciosamente documentada desta relación do poeta coa cidade.
En Santiago, García Lorca dá a coñecer algúns dos versos inéditos de Poeta en Nueva York, debuxa, canta e toca o piano no Hotel Compostela, vivirá unha memorable noite teatral na Quintana e será retratado por Carlos Maside e Luís Seoane. Compostela é, finalmente, o fogar editorial dos Seis poemas galegos, esa impagable ofrenda literaria que o granadino tributará á nosa lingua e cultura.

UNHA RUTA CON 14 LUGARES IMPRESCINDIBLES 

O presente libro camiña con Lorca polas rúas da cidade e relata polo miúdo estes días únicos (con quen está, que fala, que visita...). Tamén recolle as súas impresións cando regresa a Madrid ou na súa viaxe a Bos Aires, onde falará de nós con enorme entusiasmo. O volume aporta numerosos datos e tamén máis de setenta ilustracións e documentos, algúns deles moi descoñecidos. E conclúe co rescate de valentes testemuños que, despois do seu asasinato, teimaron por manter viva, durante a longa noite de pedra, a memoria deste Lorca en Compostela. Como colofón, nesta obra trázase a primeira Ruta lorquiana por Compostela, onde se identifican e documentan 14 lugares imprescindibles.
 


 



PDF [Ficha + nota de prensa]

O autor/a

O autor/a

Henrique Alvarellos Casas (Lugo, 1968) é escritor, editor e promotor cultural. Licenciado en Filoloxía Hispánica e Máster en Medios de Comunicación, dirixe Alvarellos Editora desde 2004 e é autor de varios libros. En 2018 rescatou a crónica esquecida da primeira viaxe de de Lorca a Galicia en 1916, que publicou como El gran viaje de estudios de García Lorca e no mesmo ano preparou a edición facsimilar e ilustrada dos Seis poemas galegos, título que recibiu o Premio ao Mellor Libro Editado de Galicia. En 2020 traduciu ao galego Medio pan e un libro (Kalandraka), a conferencia pronunciada por Lorca en 1931 na inauguración da biblioteca da súa localidade natal de Fuente Vaqueros. É tamén o impulsor do Día de García Lorca en Galicia, celebrado desde 2018 cada 25 de outubro.





Ver portada en alta resolución

PREZO: 19,80 €





Pp: 204. Formato 13 x 23 cms. ISBN 978-84-16460-91-5

Compartir en Compartir en facebook Compartir en Twitter Compartir en Google+ Compartir en Pinterest

Outros libros semellantes


Eugenio Granell: regreso de un surrealista exiliado
Prezo: 23,9 €
Libreta lorquiana modelo NEGRITA
Prezo: 3,9 €
Libreta lorquiana modelo FLOREIRO
Prezo: 3,9 €
LEANDRO CARRÉ. UN SÉCULO DE CULTURA E COMPROMISO
Prezo: 22 €

Libreta lorquiana modelo BIFACE
Prezo: 3,9 €
Libreta lorquiana modelo PIERROT
Prezo: 3,9 €
GALICIA BAJO LA BOTA DE FRANCO
Prezo: 17 €
[AGOTADO] REPRESIÓN, SOLIDARIEDADE E RESISTENCIA ANTIFRANQUISTA
Prezo: 3 €
  • Rúa de Sempre en Galiza, 4 | 15706 Santiago de Compostela – Galicia| Tel+Fax 981 522 137 – Mb 609 90 88 52 | correo@alvarellos.info | www.alvarellos.info
CSS Valid | XHTML Valid | Top

Copyright © Alvarellos Editora 2021 Todos os dereitos reservados.