Unha guía que é toda unha descuberta. Convídanos a percorrer unha senda histórica apenas recoñecida ata hoxe. Trátase do camiño máis dereito entre Compostela e Muxía, empregado dende hai séculos por peregrinos e camiñantes e que ten coma un dos emblemas a ponte medieval de Brandomil (ata Negreira coincide co Camiño oficial de Santiago a Fisterra-Muxía).
Unha ruta de 86 quilómetros e que aquí se nos presenta con todos os seus atractivos: plano con etapas, lugares e monumentos para visitar, e ilustrada con setenta e cinco reveladoras fotografías.
Unha guía práctica que nos convida a percorrer con acougo natureza e historia, porque, como afirma o autor, “andar os vellos camiños é reclamar o futuro”.
Manuel Vilar Álvarez é licenciado en Xeografía e Historia, doutorando en Antropoloxía e Máster en Xestión de Bens Culturais e Patrimonio. Ten realizado traballos de campo e publicado artigos e comunicacións relacionados co patrimonio etnográfico e museos, entre eles, “Ethnographic museums and essentialist representations of Galician identity”, en International Journal of Iberian Studies (2008, en coautoría con X. Pereiro). É autor dos libros Teóricos da Arte (1997), Dicionario Xaquín Lorenzo “Xocas” (2004) e coautor, xunto a X. Mª Lema, da Guía dos Faros da Costa da Morte (2000). En 2009 recibiu o Premio de Investigación “Rutas Xacobeas” convocado pola Asociación de Cámaras de Comercio por un traballo sobre o Camiño de Fisterra e Muxía.
.JPG "O autor/a")
.jpg)
Ver portada en alta resolución
.jpg)
.jpg)
