BUSCAR

GALEGO | ESPAÑOL | ENGLISH

CESTA(0)

Facebook Twitter Instagram Youtube

Buscar Galego | Español | English
Cesta  (0)
O carrito esta valeiro.

Pechar
Facebook Twitter Instagram Youtube

Búsqueda por autor ou título

Factoría de contidos desde 1977

  • MENU
  • Home
  • Presentación
  • A nosa historia
  • O fundador
  • Quique Alvarellos
  • Libros
  • Libretas lorquianas
  • Distribución
  • Contacto

Varia [Singulares. Fóra de Colección]


A CORUÑA ANOS 20

Doce postais de gran formato de Luciano Roisin

Luciano Roisin, ed.


Un documento gráfico moi descoñecido da cidade da Coruña: a serie completa das doce imaxes panorámicas que, nos anos vinte do século pasado, comercializou como postais de gran formato (29 x 13 cms) o fotógrafo francés Luciano Roisin. Dende aquela, non volveran ser difundidas. Son doce escenas urbanas de alto valor documental. Preséntanse agora nesta nova edición coa estética e formato orixinais e gardadas nun novo estoxo deseñado especialmente para esta ocasión.

O NACEMENTO DO TURISMO

Na década dos anos 20, A Coruña, de igual xeito que outros puntos de Galicia e España, vivía o nacemento dun turismo que demandaba souvenirs gráficos dos lugares máis atractivos. O fotógrafo Luciano Roisin (París, 1884-Barcelona, 1943), recoñecido editor de postais afincado en Barcelona (onde creou “La Casa de la Postal”) confeccionou un álbum con doce imaxes moi visuais, panorámicas, d’A Coruña. Descoñecemos se Roisin foi o autor das fotografías, só sabemos que el foi o seu editor (pois adoitaba tamén encargar o material por toda España). A exposición que se verá na Coruña parte da reprodución directa dun dos exemplares orixinais de postais, pertencente ao Arquivo Gráfico de Alvarellos Editora.

QUE MOSTRAN AS IMAXES?

As imaxes mostran, en palabras do editor Alvarellos, “unha cidade grandiosa, fermosa, que hoxe segue a ser moi atractiva, pero que é moi distinta á que nos traen estas doce panorámicas: as barcas amarradas no Parrote, o novo rañaceos do Banco Pastor sobresaíndo no skyline (un edificio inaugurado no outono de 1925, e que foi, cos seus 40 metros de alto, o primeiro rañaceos de Galicia), unha praia de Riazor con bañistas entre gamelas, os Cantóns cos emblemáticos hoteis como o Gran Hotel de Francia, o Gran Hotel Londres, o Hotel Palace ou o Atlantic Hotel... Fronte a eles apenas vemos coches, só tranvías e peóns. E tamén temos panorámicas como a do Castelo de San Antón, a Torre de Hércules, unha vista —moi diferente a hoxe— dende a Torre, ou a actividade no Porto cun barco pesqueiro que, no intre da foto, está a botar as redes, co sistema do cerco, a escasos metros do litoral”.  

“Luciano Roisin sempre buscaba perspectivas extraordinarias das cidades, moi visuais e de gran profundidade, como a que obtén dende o alto do rañaceos do Banco Pastor. Será unha delicia para coruñeses e visitantes; non o dubidamos”, conclúe Alvarellos.

⇒ VER A CORUÑA ANOS 20 (II). Oito novas panorámicas.

 



PDF [Ficha + nota de prensa]

O autor/a

O autor/a

Luciano Roisin (París, 1884-Barcelona, 1943). Recoñecido fotógrafo e editor de postais. En Barcelona creou "La Casa de la Postal". Percorreu toda España fotografando ou encargando material gráfico das grandes cidades, imaxes que comercializaba logo como postais.





PREZO: 11,50 €





Pack 12 postais con estoxo | 29 x 13 cms. ISBN 978-84-16460-09-0

Compartir en Compartir en facebook Compartir en Twitter Compartir en Google+ Compartir en Pinterest

Outros libros semellantes


A CORUÑA ANOS 20 (II)
Prezo: 10 €
SANTIAGO, 1858
As fotos máis antigas de Galicia
Prezo: 8 €
AS ORIXES DA FOTOGRAFÍA EN GALICIA
Prezo: 29,5 €
The Soutomaior Castle [English Ed.]
Prezo: 20 €

A Coruña anos 30
Prezo: 11,5 €
SANTIAGO, 1909
Prezo: 13,5 €
[OFERTA ] EL CASINO DE VIGO
Prezo: 5,9 €
[AGOTADO] SANTIAGO, 1909
Prezo: 19,5 €
  • Rúa de Sempre en Galiza, 4 | 15706 Santiago de Compostela – Galicia| Tel+Fax 981 522 137 – Mb 609 90 88 52 | correo@alvarellos.info | www.alvarellos.info
CSS Valid | XHTML Valid | Top

Copyright © Alvarellos Editora 2021 Todos os dereitos reservados.