Á PROCURA DA POESÍA

VIDA E OBRA DE LUZ POZO GARZA

Aurora López e Andrés Pociña

Aurora López e Andrés Pociña dedicaron máis de dez anos ao estudo da vida e da obra de Luz Pozo Garza, quizais a meirande figura das Letras galegas dos nosos días.O presente volume é a culminación dese inxente traballo: unha obra rica en datos, noticias, textos –moitos, absolutamente inéditos ou descoñecidos–, e opinións escritas pola propia Luz onde se sincera, a petición dos autores, sobre a súa obra literaria. O libro complétase cunha antoloxía da obra poética de Luz e tamén inclúe unha selección de fotografías e ilustracións como resumo gráfico de case un século de vida... á procura da Poesía.

O autor/a

Aurora López (Sarria, 1948) é catedrática de Filoloxía Latina na Universidade de Granada, onde ocupa tamén o cargo de Directora da Unidade de Igualdade entre mulleres e homes. Investiga sobre todo no campo da literatura latina, principalmente o teatro e a súa pervivencia actual; é especialista en estudios sobre a muller romana, e tamén sobre Rosalía de Castro.

Andrés Pociña (Lugo, 1947) é catedrático de Filoloxía Latina na Universidade de Granada, onde foi Decano de Filosofía e Letras e Director do Departamento de Latín. Investiga no campo da literatura latina, do teatro clásico antigo e a súa pervivencia nos teatros actuais, como tamén no da literatura galega, especialmente sobre Rosalía de Castro.

(Na imaxe, os autores con Luz Pozo Garza en 2001)