[AGOTADO] SECRETOS DE CATEDRAL

La basílica de Santiago de Compostela a través de sus tiempos y espacios

José Manuel García Iglesias

O paso dos anos acumulou “segredos” —ou interpretacións discutibles— ao redor da arte e a monumentalidade da gran basílica compostelá. José Manuel García Iglesias, profundo coñecedor dun templo ao que dedicou moitos anos de estudo, dá a coñecer en Secretos de catedral o resultado das súas últimas investigacións.

A través dun enfoque orixinal e unha narración fluída que se apoia en máis de sesenta fotografías de Xulio Gil, este historiador da arte pretende desentrañar algo do “oculto, o ignorado, o silenciado, o calado...” ao redor do maior monumento xacobeo.

O autor/a

José Manuel García Iglesias (Santiago de Compostela, 1950). É, desde 1974, profesor do departamento de Historia da arte na Facultade de Xeografía e Historia da Universidade de Santiago de Compostela e, a partir de 1986, catedrático de Historia da arte Moderno e Contemporáneo na devandita Facultade. Está integrado no Grupo de Investigación IACOBUS (Proxectos e estudos sobre patrimonio cultural) da Universidade de Santiago de Compostela. Da súa produción científica, no ámbito da arte moderno —e nos últimos anos—, hai que destacar os libros Pazos de Galicia (1989), A catedral de Santiago e o Barroco (1990); Galicia, tiempos de Barroco (1990); El Barroco (I). La época. Los patrocinadores. Arquitectos del siglo XVII (1993); El Barroco (II). Arquitectos del siglo XVIII. Otras actividades artísticas (1993); Camino de Santiago. Patrimonio Mundial (2004); Santiagos de Santiago. Dos apóstoles al final del Camino (2011), No referente ao arte contemporáneo, os libros Quessada (1987), Manuel Prego. Su obra (1989); Labra (1992); Galicia, hacia la modernidad (1998); Camilo Otero (1999); José Lorenzo Macías. A pintura soñada (2007); Da Fantasía a realidade. Pintura en Galicia de 1833 a 1936 (2012).