11,00 

30 GRAMOS (Edición en galego)

Realidade e ficción. A novela/manifesto do artista portugués Leonel Moura.

 

Páxinas: 98
Medidas: 14×21 cm
Idioma: galego
Tradución do portugués: Ramón Nicolás
ISBN: 978-84-89323-41-4
Encadernación: rústica con lapelas
Data de publicación 1ª edición: setembro, 2010

Gianfranco andaba obsesionado polo contido das pequenas latas creadas por Piero Manzoni en 1961. Quería abrir unha delas para averiguar se eran realmente as feces do artista as que estaban dentro. Este é o punto de partida dunha novela fascinante que, mesturando xéneros (realidade e ficción, novela negra, diario íntimo, ensaio…), percorre a arte máis subversiva e incomprendida do século XX. Traducida do portugués ao galego polo profesor e crítico literario Ramón Nicolás. Esta obra foi recoñecida co Premio da Edición de Galicia 2010 á Mellor Tradución do ano.

 

df8a55a787f5
Compartir

Autoría

Leonel Moura (Lisboa, 1948) é un artista conceptual especializado en intelixencia artificial e arte robótica. Entre as súas creacións figuran os RAP (Robots Action Painter) que se mostran desde 2006 en exposición permanente no Museo Americano de Historia Natural de Nova York (ver vídeo abaixo). En 2009 foi nomeado “Embaixador europeo da creatividade e a innovación”. É tamén autor dos libros: Formigas, Vagabundos e Anarquia (2003), Robotarium (2007) e Poesia robótica (2009), entre outros.