Autor

Peter Brown

Peter Brown medrou en Nova Yersey, nos Estados Unidos. Formouse no Art Center College of Design e, ao rematar a carreira, foi vivir a Nova York, onde traballou primeiro no mundo da publicidade. Fixo tamén animación para televisión e traballos como actor e hoxe é, dende Brooklyn, un dos ilustradores e escritores máis recoñecidos dos Estados Unidos e da literatura infantil e xuvenil, gañador de numerosos premios. A miña profe é un monstro é a primeira obra de Peter Brown traducida ao galego.

Libros do Autor

A miña profe é un monstro! (Diso nada.)

14,00 
40 pp. 28 x 21,5 cms
ISBN: 978-84-16460-39-7

 

Divertidísima aposta gráfica chea de humor e caricatura. Escrita e ilustrada polo artista de Nova York Peter Brown e traducida agora ao galego, A miña profe é un monstro ( Diso nada.) fomenta o diálogo e convida ás persoas a coñecerse mellor para loitar contra os prexuízos. Novo título da colección Verdemar de Alvarellos Editora.

 

TEXTO CONTRACAPA
Ás veces os monstros non son o que aparentan.

 

ARGUMENTO
As clases comezaron e Brais ten un problema tremendo. O seu problema chámase a “Profe Lola”. Ela é un monstro real, mesmo ten a pel verde e os seus dentes son enormes e afiados… El quere fuxir dela. Non obstante, un venres despois da escola, nun encontro casual no parque, os dous se poñen a falar e Brais descobre na profe Lola a outra persoa que non imaxinaba…

 

CLAVES PARA A LECTURA
Descubrirse un ao outro falando. Coñecerse mellor e dialogar para loitar contra os prexuízos. Velaquí a mensaxe principal deste divertido conto, ilustrado con moito humor e caricatura. O rostro da mestra vai cambiando e facéndose doce cando o seu alumno atopa nela un ser humano sensible e alegre.
Como actividade práctica co alumnado pódese traballar na realización dun sinxelo avión de papel. Tamén, ir buscando e analizando os cambios que se producen no aspecto físico da profesora.