Autor

Martiño Maseda Lozano

Martiño Maseda Lozano naceu en Xoibán (Vilalba), pequeno recuncho perdido na inmensidade da Terra Chá, no 1970. Licenciado en Filoloxía Hispánica, é colaborador no suplemento A Chaira do xornal El Progreso ou no portal Galicia Dixital. A súa andaina literaria naceu no berce dos certames literarios aló polo solpor dos anos 90, saboreando premios coma o Certame de Contos para a mocidade en Ourense (1999), o Premio de Poesía Pedro Alonso Morgado en Huelva (2003), o Certame Literario de Vilalba (2005, 2010, 2011) ou o Certame de Narrativa Ánxel Fole (2009, 2011). Ten publicado os poemarios Diario dun ser perdido e Nos labirintos da alma. Así coma os relatos Todo por unha teima ou A endeble esencia, xunto a outras publicacións en revistas literarias e obras colectivas.

Libros do Autor

Entre as paredes do silencio

9,00 

II premio no XXXVII Certame Literario do Concello de Vilalba.

 

Formato: 70 pp. 14×21 cms
ISBN: 978-84-89323-46-9

 

Un diario poético que se desprega de abril a xullo. Nel, o verso quere ser bálsamo contra a desesperanza, e loita na defensa da identidade e da lingua. “Versos espidos / poesía das emocións transparentes”, escribe o autor. Con Limiar de María Xosé Lamas.

Esta obra obtivo o II premio no XXXVII Certame Literario do Concello de Vilalba (2011).