SANTIAGO, 1909
O volume que recupera as fotos e a crónica da Exposición Rexional Galega
A obra, que recollerá medio cento de fotografías (algunhas delas, inéditas) daquela histórica mostra, aparecerá en xullo, coincidindo cos cen anos xustos da inauguración do evento.
A Dirección Xeral de Turismo financiou o proceso de documentación e agora a editorial está en conversas co Consorcio de Santiago para levar as imaxes á Alameda de Santiago nunha exposición con paneis en gran formato.
Santiago de Compostela, 6 de abril de 2009
A comezos do verán, Alvarellos Editora publicará, coincidindo co centenario da da histórica Exposición Rexional Galega de 1909 –inaugurada en Santiago o 24 de xullo daquel ano coa presencia do rei Alfonso XIII e o presidente do Goberno Antonio Maura–, un volume conmemorativo que recuperará medio cento de fotografías daquel evento conservadas en diversos arquivos e bibliotecas. A obra tamén inclúe a crónica xornalística, elaborada por Henrique Alvarellos Casas, daquela mostra: o contexto social, a descrición dos pavillóns, as cifras de visitantes e resultados económicos, as curiosidades, qué queda hoxe en pé de todo aquilo, etc.
A Dirección Xeral de Turismo da Xunta de Galicia financiou os labores de documentación deste proxecto, xa que, para localizar todo o material, foi preciso consultar os arquivos e bibliotecas do Museo do Pobo Galego, Real Academia Galega, Arquivo Histórico Universitario de Santiago, Hemeroteca da USC, Instituto Padre Sarmiento ou o Arquivo do Palacio Real de Madrid, entre outros.
EXPOSICIÓN AO AIRE LIBRE
O proxecto inclúe, á parte da publicación do libro, a montaxe dunha exposición na Alameda, fronte á actual escola infantil de Santa Susana, un edificio de Antonio Palacios que foi inaugurado aquel mesmo ano 1909 e destinado, durante e Exposición, a Pavillón de Recreo Artístico e Industrial. A mostra conmemorativa do centenario consiste na exhibición do medio cento de fotografías atopadas, montadas en paneis de gran formato ao longo do paseo da Ferradura, dende a escola infantil en dirección á escalinata de baixada ao
Campus.
Alvarellos está en conversas co Consorcio de Santiago e outros organismos con vistas ao financiamento desta exposición do Centenario co obxectivo de que poida inaugurarse o 24 de xullo.
|
|
 |
 |
Arco do Comercio fronte ao Pilar
Colecc. Postais Uxío de la Riva |
Escalinata baixada ao Pavillón Central
Foto Chicharro |
 |
 |
Panorámica
Foto Chicharro |
Pavillón Centro Galego da Habana
Foto Chicharro |
 |
 |
| Pavillón do Recreo Artístico |
Arco da Liga de Amigos do País |
|
ver cesta
